終於考晒試~~英文oral 無難度！

我果組都算廢了~~~~3條友好似廿幾三十年無講過英文咁~~

老實講句....如果唔係我帶住佢地講.....真係成年都講唔到一個topic~~

我唔係講得特別好.....不過肯定係成組最好囉~~~

估唔到有人水平低過我 @@"

我第一組考~~~4:30 入到去 5點就考完出黎~~~

我格離果個肥仔......未考就已經慌失失~~佢緊係慌失失奇兵其中一員~~~

個Miss 叫我果組出去排隊.....點知成組無人起身......個個唔知做咩~~~我起左身佢地先跟住起= ="

出到去個肥仔問我....「係咪呢到簽名？」  「係ar~」 「 簽全名？」「你喜歡~」「中文定英文？」 「@#%#$^.....你畫隻龜算喇~」

入到去考~~「你地可以開始~」~~~(靜....)  唉~我開頭算了~

講下講下~~到個肥仔講......「I ar....ar....argree with your point. um.... um..... 」 佢諗唔到講咩~~

即刻對住我單眼 =.= ~ 暗示叫我幫手~~格離果2個女仔 又望過黎我到= =

無計.....我幫幫佢喇.....

最尾一分鐘~~本來夠時間比我做個完美ge總結......點知........

個女仔講完佢idea~~個肥仔「can...cancan....can u repeat your point ？」~~ <---呢句野都講左8秒

個女仔竟然......由頭到尾再講一次.....搞到得番10秒~~~

個肥仔又「I ar....ar....argree ....(5秒)um....um....um....(夠鐘)」@#$^@#^

IR 問d問題唔難~~

不過坐我對面果個女仔竟然.....成分鐘都唔出聲.....成個IR 無答過野......只係望住張台=.=

我都答得麻麻....有8秒諗唔到野講~~ 不過其他時間都講左幾個pt. 同2個example~ =.=~

我已經好滿意~ @_@"

希望有 3 - 5 = ="(好似有d 妄想症@@)

arm arm 中文oral完~~~朗讀唔識一個字~~讀少左一個字~~ 整體黎講我覺得都唔錯~

小組討論就.......唉....唔好提......

都係講下喇xd~"

題目---大學錄取學生，除左學業成績，還有什麼需要考慮呢？最少見意一項 (藝術，體育，品行，社會服務)

一號考生： 我地今日題目係......我認為..ng....社會服務比較重要，因為.....(講左2min.)

二號考生(唯一1次發言)：我對佢ge意見有所保留。我認為應該選擇品行......(1min.)

我：我同意二號考生ge講法。ng...呀.....我.....ng....(未上力)，大學錄取學生果時，品行係一個相當應該關注ge野黎，我舉個例子喇，好似內地某大學...就有作弊ge情況出現，我認為呢d都屬於品行惡劣，仲有個例子就係香港都有某大學，其學生發佈色情東西出黎，我認為以上ge例子，都有損該大學之聲譽。

四號：我好認同3號考生(我) ge講法。品行........(2min. 勁慢講得)

五號：我就比較認同1號考生ge講法。社會服務.......(講一輪)，品行呢樣野......基上只係中學果時....幫下老師手.....交齊功課......唔好遲到.....就已經可以好好，個品行係張成績表果到已經好靚，唔通咁輕易就可以斷定一個人ge品行？

一號：我認同五號考生ge講法。品行......(5號ge論點)，就算大學面試果時，果短短幾分鐘，我都唔認為可以立即斷定到果個人ge品行。所以社會服務........(又1min.)

我：我對1號5號考生意見有所保留。品行呢樣野學生從小就培養，唔通中學時期5年或這7年之長，都唔能夠反映出一個人ge品行？ 而且......(比人斬斷左發言)

4號(斬我發言)：我認同3號考生ge講法！ng....嗯ng....ng......(又講一陣 勁慢咁講)

6號考生(佢終於出聲喇！)：嗯....各位唔知係咪見到張野d資料......就比入面ge野影響左呢？~~唔通你地無諗過藝術同體育都好重要？~~我！ .....就認為.....即係....藝術呢家野~~~~真係好重要，香港e家係咪缺少左有藝術天份ge人呢？.....ng...ar....(無言)

我(等你講呢d好鬼耐！)：我唔認同6號考生ge講法。人ge藝術固然係重要，之但係學生考取大學果時係已經選好科選好自己興趣，例如......會計同經濟科ge人，唔通佢地又需要有藝術天份同體育全能？

4號：我非常認同3號ge講法喇。.......(又勁慢講野)

呢個時候得番幾分鐘......本來我想拿拿聲總結.....點知......

1號：我認為社會服務.......(狂講自己論點......講到最後一秒鐘.........無總結 = =" )

散場.......

我仲有pt.未講......勁無奈....個女仔講total 有5-6分鐘野..........又唔幫手總個結黎好好睇睇.......雖然幾....幾靚女je........不.....不過.......唉算喇！

條題目幾易諗......不過無奈佢比d資料幾廢.....最多幫到講一兩句野.......

會考完已經好一陣子~  (未考oral ) ~    我已經開始過快樂ge hea爆生活~~

我期待呢種生活好耐了~~每天hea下hea下地打波~食野~打機~吹水~睇書~飲茶~

邊個話會考完一定要搵野做賺錢~~我完全唔認同呢種講法~~

唔通我就唔可以用呢幾個月做d我想做ge野咩？！

我要學打鼓 (想試)~~我要強身健體(你估每一刻都比人話瘦好開心牙？你地呢d唔瘦ge人唔會明比人話瘦ge感受~~成日叫人食多d增肥~~~係咁易食多d就話je~~我認為食野係一種享受~~勉強食落去就係虐待~~~完全唔適合我)~~

講起享受~我初中蠻喜歡睇戲的~~唔理係咩種類照殺~~達文西照睇！~零時三點王照睇！張家輝果套什麼的.....照睇！~  什麼卡通片上畫照睇！

e家唔知點解冇左呢種咩戲都睇ge衝動~~反而覺得坐低成粒幾兩粒鐘好浪費時間~~

然而~~呢粒幾兩粒鐘本來.....其實又冇乜用處~~

琴日5點幾出花墟打波~~都知好多人~~~照出~~反正唔想係屋企呆~

好不容易搵到個場d人唔係鬥緊波~~有男有女~~

應該係格離 陳樹渠 d人~  佢地話F.2而已~真係可愛~~

點知走果時....佢地竟然話.....出西貢去機鋪玩灣岸..........嚇我一跳.....才F.2而已~~而且....應該未夠16吧~

自己今年都19~~感覺有點老~~

細個6歲7歲果時~~

覺得18歲之後.....會係另一個世界~~~自己會變左另一個人~~~會識好多野~~~會有女朋友仔@@~~~

~~很奇妙~~我真係變左另一個人~~

變靚仔左~~聲音低沉左~~~但.....生活還是如此~~~都仲係一歸家就開電腦~~~

無目的咁左kick右kick~~都不知幹什麼~~

每日如此.....每日都kick上漫畫網~~看有冇新漫畫~

除左思考模式唔同左.....個樣把聲唔同左......都冇咩變

我開始諗自己係一個點ge人~

初中我一直認為.....你對人好~~人地一定會對你好~~

可惜唔係......有次我借20蚊比人......佢無還比我~^~ ~此後我都唔會隨隨便便借錢比人~~~~

之後~~我又認為~~~只要我唔煩人~~~人地就唔會煩我~~~點知....又唔係~~

佢地會無端端走過黎話我自閉~又無端端話我靚仔...(我一直認為自己樣衰)~    於是F.4我不再自閉~

或許我是愚笨和念舊的類形....

我鍾意係人面前扮諗緊野......其實咩都冇諗

我係msn同人講我好忙....其實忙住偷懶

我鍾意係人面前扮晒野.......？

-----------------------------------------

前幾年照鏡見到暗瘡很驚奇

前幾日照鏡...竟然有鬚子了

------------------------------------------

無無聊聊又打左一大堆字~~~~~~證明我個人都幾無聊~~

一陣又會開facebook睇人做d無聊ge quiz~~~

之後又玩無聊ge restaurant city ~~

哈又一日~~舒服

剛剛考完第一科~~phy

死左~~比預期差好多

無計~~寄望其他科考好d吧~

第一次考公開試~~但感覺無乜特別~~~咪又係對住份卷~~ 周圍靜英英~~~

除左地方唔同都無咩唔同~~~~去過一次就知根本一d都唔緊張~

果個收卷佬....整掉我份野同我枝筆....仲要踢走我枝筆又唔幫我執......

好在考完之後有靚女幫我執~~~都好xd~

下科中文...無乜信心~~應該pass到掛~

之後maths.....無乜信心C 到......盡力喇......

econ......溫左幾年發覺都唔難......但係出黎成績次次唔同

eng.......同中文差唔多

pa......我深信做得多就會熟

chem.....我打算 abs

bio.......呵呵呢日去唱k~

唔經唔覺~~~咁就考左一個禮拜mock exam~        距離會考亦近左一個禮拜！

近排都有勤力地做econ phy pp.~     但還是停留在D頭 ge位置..........

怎樣也上不了C.......  但進步是有的~~就是arm 多一兩條~~~~希望黎緊一個月可以上到C頭！

我知係好難~~但係為左唔好太低分......無計~~~

mock exam.考左中英數~~~except 中文listening~~

中文 reading 還算ok吧~"  一開波就爆文言文~~15分鐘做晒~~~但詞性果到搞錯左少少野= ="

翻譯文言文又好似麻麻地ok =.="  希望還是會合格吧 = ="

中文作文~~~作左議論文-----有人說：「應培養品德先於灌輸知識。」有人說：「有知識，有品德。」你認為怎樣？    --------一開波諗左一陣~~~跟住都寫得好順" (寫得順更覺得有多d錯=.=") 但這篇已是我自己覺得是至今作得最好ge一篇議論文.......最少比個合格我唔該"=.=

中文oral~~朗讀死左~~好多字唔識讀~~~discusssion 本來都唔錯~~~不過一開頭竟然爆左個英文字出黎=.= 樣衰至極~~~「呢個topic......」好彩錯左之後無加食屎兩個字=.=唔係再扣多d分~~~

英文reading聽講個個都死~~~我就唔夠時間做~~~不過應該合格掛=.="

英文writing亂作了一通-,-唔合格機會頗大""

英文oral ~已經盡左力~~平時唔講野今次都盡量講~~平時唔望人今次都刻意有eye contact~~平時唔笑今次都免強笑一笑~~~~~ 雖然desmond話我仍雖努力.....但....不要緊吧......盡左力

英文listening~~ task1應該full marks ~~task 2 死左~~task3唔知o唔ok~~~task4寫左多餘野係introduction到~~~task5 我諗都麻麻地~~~有咩識ge conjunction 基本上我都爆晒出黎~~~= ="

maths.......本來做 Short long Q. 做得好開心~~~因為無咩唔識~~~但係做mc.......死得好慘~~~~就算本來有B.........都變左D喇.........唉~~呢份野做得好差！

禮拜一考 pa 同re了~~~但兩科我都未碰過=.="雖然pre-mock pa 有D.....但係隔左咁耐....咩都唔記得晒喇=.=唉~~